Batalla de Badr | ||||
---|---|---|---|---|
Parte de Expansión del Islam en tiempos de Mahoma (es) y Historia del Islam | ||||
Fecha | 12 marzu 624 | |||
Llugar | Nes fontes de Badr, 130 km al suroeste de Medina. | |||
Coordenaes | 23°44′00″N 38°46′00″E / 23.733333333333°N 38.766666666667°E | |||
Resultáu | Victoria decisiva musulmana. | |||
Belixerantes | ||||
| ||||
Comandantes | ||||
| ||||
Fuercies en combate | ||||
| ||||
Baxes | ||||
| ||||
[editar datos en Wikidata] |
La batalla de Badr (n'árabe غزوة بدر), que tuvo llugar el 13 de marzu de 624 (el 17 de ramadán del añu 2 dempués de la Hégira nel calendariu musulmán) na rexón de Hiyaz n'Arabia occidental (actual Arabia Saudita), foi una batalla clave nos primeros tiempos del Islam y un puntu d'inflexón na llucha de Mahoma contra los sos oponentes de la tribu Quraysh de La Meca.[nota 1] Na historia islámica, la batalla tresmitióse como una victoria decisiva atribuyible a la intervención divina o, por fontes seculares, al xeniu de Mahoma. Ye una de les poques batalles mentada específicamente nel Corán. La mayor parte de la conocencia actual sobre la mesma provién de rellatos tradicionales islámicos, tantu hadices como biografíes de Mahoma, dellos escritos dempués de la batalla.[2]
Antes de la batalla, los musulmanes y los mecanos llibraren yá varies escaramuces a finales de 623 y principios de 624, a midida que les razies faíense más frecuentes. Sicasí, Badr foi'l primer enfrentamientu a gran escala ente les dos fuercies. Avanzando escontra una posición defensiva, los homes de Mahoma consiguieron romper les llinies mecanas, matando a dellos de los líderes qurayshíes más importantes, ente ellos Amr ibn Hisham, el principal adversariu de Mahoma.
Pa los primeros musulmanes, la batalla foi la primer señal de que podíen ganar a los sos enemigos de La Meca. Ésta, nesos momentos, yera una de les ciudaes más riques y poderoses de Arabia, con un exércitu tres veces mayor que'l de los musulmanes. La victoria musulmana tamién fixo ver a otres tribus que surdiera un nuevu poder y fortaleció la posición de Mahoma como líder de la comunidá de Medina, de cutiu estazada.
Error de cita: Esisten etiquetes <ref>
pa un grupu llamáu "nota", pero nun s'alcontró la etiqueta <references group="nota"/>
correspondiente
© MMXXIII Rich X Search. We shall prevail. All rights reserved. Rich X Search